Dumanlı dağların başında durdum,
Dumandan özümə bir xeymə qurdum.
Keçdir xəyalımdan öz gözəl yurdum,
Dumanlar başında dastana döndü.
Avtobusumuz Bərdədən Ağdam yoluna dönərkən, beynimdə şəhid Xudayarın aylardan bəri şüurumuzu əsir edən, ovsunlayan o zümzüməsi dolaşırdı. Nədənsə, Xudayarın ruhunun bu torpaqlarda, həm də şad-xürrəm dolaşdığı inancındayam. Artıq azad ruhu Ağdam səmalarında dolaşır…
* Qarabağın ilk şəhidini verdiyi torpaqdır Ağdam. Şirin Mirzəyevin, Allahverdi və Eldar Bağırovların, Fred Asifin, Canpoladın, Yelmarın və onlarla Vətən oğlunun qanı ilə suvarılıb Ağdam. Bəlkə II Qarabağ savaşında sırf Ağdam üçün bir güllə belə atılmadı, ancaq I Qarabağ müharibəsində ən çox şəhid verən yerdir Ağdam. Meydanda dəmir yumruğumuzu göstərib, diplomatiya ilə geri aldığımız əfsanəvi şəhər…
* Bəli, biz o şəhərin mərkəzinə doğru irəliləyirik… Şəhərin mərkəzi deyirəmsə, buranın mərkəz olduğunu sübut etmək hazırda min bir şahid istəyir. Çünki Pənahəli xanın yadigarı, Çayxanasından İmarətinə, təbii ot örtüklü stadionundan Qarabağın iki məşhur məscidindən birinə sahib olan şəhərdən geriyə sadəcə və sadəcə, bir ovuc daş qalıb.
https://cdn.yenicag.az/files/uploads/2021/03/161400990_447034563297911_1502047356403258496_n-300x225.jpg 300w, https://cdn.yenicag.az/files/uploads/2021/03/161400990_447034563297911_1502047356403258496_n-1536x1152.jpg 1536w, https://cdn.yenicag.az/files/uploads/2021/03/161400990_447034563297911_1502047356403258496_n-800x600.jpg 800w, https://cdn.yenicag.az/files/uploads/2021/03/161400990_447034563297911_1502047356403258496_n-400x300.jpg 400w" sizes="(max-width: 2048px) 100vw, 2048px" style="box-sizing: inherit; vertical-align: middle; margin: 5px 20px 20px 0px; max-width: 100%; height: auto;" />
Erməni vandalizmi sadəcə, insanımızı öz dədə-baba torpağından didərgin etməyib, daşımızı, torpağımızı, qapımızı-pəncərəmizi də talan edib. Qəbirlərimizə qədər girib, goreşənlik belə edən düşmənlə savaşmışıq, sən demə… Ruhlar nalə çəkməsin, bəs nə etsin Ağdamda?! Şəhər dediyin qoca bir heçə çevrilib cəmi 28 ilin içində…
