Azərbaycan Respublikasının Prezidenti İlham Əliyev və birinci xanım Mehriban Əliyeva fevralın 11-də Heydər Əliyev Mərkəzində milli muğam sənətimizin görkəmli nümayəndəsi, Xalq artisti Əlibaba Məmmədov ilə görüşüblər.
Prezident İlham Əliyev Əlibaba Balaəhməd oğlu Məmmədovun "Şərəf” ordeni ilə təltif edilməsi ilə bağlı Sərəncam imzalayıb. Sərəncamda qeyd edilir ki, Ə.Məmmədov Azərbaycan musiqi mədəniyyətinin inkişafında xüsusi xidmətlərinə görə bu ordenə layiq görülüb. Dövlət başçısı Xalq artisti Əlibaba Məmmədova "Şərəf” ordenini təqdim edib.